FRANCISCO R. GARCÍA FERNÁNDEZ naceu en Santiago de Compostela e reside en Madrid.

É un recoñecido especialista en Cardioloxía e acreditado escritor, membro da Sociedade de Médicos Escritores.

Licenciouse en Medicina pola Universidade de Santiago de Compostela e especializouse en Cardioloxía pola Universidade Autónoma de Madrid, onde alcanzou o doutorado "cum laude". Exerceu a especialidade no Hospital "La Paz" de Madrid e dirixiu a Unidade de Cardioloxía do Hospital Privado "Ruber Internacional" de Madrid, durante 10 anos e foi fundador e xerente da empresa "CARDIOGAR S.L.", constituída en 1988.

É membro da Sociedade Española de Cardioloxía da Sociedade Castelá de Cardioloxía e Secretario da mesma durante 4 anos. Secretario do Comité Editorial das Revistas "Monocardio" e "Cardiología '90". É Asesor Médico dos Clubs de Fútbol en diferentes etapas: Real Madrid, Atlético de Madrid e Rayo Vallecano.

Autor de capítulos de Cardioloxía en monografías e en numerosos libros. Tamén son da súa autoría numerosos artigos publicados en revistas estranxeiras, así como traballos de Cardioloxía en Revistas Españolas. Presentou diversidade de comunicacións en Congresos e Simposiums nacionais e internacionais.

Colaborador habitual de "El Correo Gallego" e de varias revistas relacionadas coa súa especialidade.

Coa conferencia que pronunciará esta tarde o Dr. García Fernández péchase o Ciclo "Medicina e Saúde" co que se pretendía contribuír de maneira significativa á importante tarea de mellorar os coñecementos dos cidadáns no coidado e mellora da súa saúde. O Ciclo estivo coordinado e dirixido polo Doutor D. José Manuel Pérez Vázquez, Profesor de Medicina Nuclear do Hospital Xeral Universitario Gregorio Marañón.